巴黎奧運閉幕禮已經于香港時間今日（12日）凌晨3時完滿落幕，香港“小女車神”李思穎在周日（11日）壓軸出場，最終以總分26分，排第20名完成賽事。賽后李思穎接受訪問為自己表現差一度泣不成聲，身為師姐的“牛下女車神”李慧詩為HOY TV擔任巴黎奧運節目主持時，亦隔空為師妹打氣，還有網民看完李思穎的訪問后，為一件事感不滿。
李慧詩隔空為師妹李思穎打氣
“牛下女車神”李慧詩在節目上聽完李思穎的訪問后，李慧詩說：“我諗個表現係冇發揮出嚟，但係話佢踩得好唔好，相信要之后再做一個總結，先會知道。”李慧詩還表示李思穎在近4年才冒起：“好多人都話佢接我班，我覺得畀得太大壓力佢，我每次同佢通電話，都會同佢講呢個比賽係去享受，好似日本嘅梶原悠未，佢喺上屆東京奧運奪得銀牌，但係今屆都係排第17名，做運動員就係咁，如果輸咗嘅話，總結完發現自己唔知做緊啲乜喎，下一屆4年之后咪可再繼續。”李慧詩隔空安慰師妹：“你輸咗係冇對唔住任何人，我亦都好開心可以見到你喺場上面，目標已經達到咗一半，希望喺后嗰4年都可以克服到。”
▲李思穎出戰巴黎奧運場地全能賽配速賽。
▲李思穎完成賽事后，在訪問期間激動爆哭！
▲李慧詩在節目上聽完李思穎的訪問后說：“我諗個表現系冇發揮出嚟，但系話佢踩得好唔好，相信要之后再做一個總結，先會知道。”
陳欣欣誤將李思穎講成李慧詩
在節目上亦發生小插曲，同場另一主持陳欣欣交代李思穎的暫時戰績時，竟然將李思穎講成李慧詩，不過陳欣欣全程未有發再現，李慧詩開玩笑說：“欣欣，你係咪好想我去參賽啫？”陳欣欣才發現自己講錯：“嚇？我又講錯咗李慧詩呀？死喇，講錯幾次都唔知添！”聽到陳欣欣即時更正重報李思穎的戰績，李慧詩笑說：“收貨！”
網民看完李思穎訪問后感不滿
不過反而有網民看完李思穎的訪問后感不滿，原來有人覺得：“李思穎話自己表現好差，記者仲要問： 係邊方面好差？結果李思穎立即爆喊。”隨即引來不少網民留言，有人說：“李慧詩都叫啲記者可唔可等佢平靜左先做訪問，因為條片會跟佢一世。””、“見到佢喊成咁，好心酸， 攞到奧運入場券，背后一定已經經歷好艱苦嘅訓練。去到現場佢盡曬力，但攞唔到預期嘅成績，自己失望之馀，仲覺得愧對背后一直幫佢嘅團隊，嗰種內疚感一下子爆發出嚟，對住鏡頭都喊到收唔聲，好慘， 希望佢好快收拾心情，為下一個目標再奮斗！”不過亦有人覺得：“記者嘅工作係喺有限嘅時間內蒐集最多嘅資料同內容，選手有教練、隊友同親朋好友安慰，我唔明點解啲人話記者唔專業。”、“咁正路都要問下佢覺得自己邊部分做得唔好既。”今日“小女車神”于網上留言稱，“多謝大家嘅支持同鼓勵，我已經平復好心情，準備好未來繼續努力，多謝大家關心”。
以上內容歸星島新聞集團所有，未經許可不得擅自轉載引用。
