有“狂野港姐”之稱27歲TVB小花廖慧儀一向身材火辣，她2020年參選港姐落選后簽TVB，卻因前度輕生而全面停工。現時廖慧儀已重返幕前，經常在J2主持節目，大曬索爆身材，其中在《港女野人》系列更受網民注目。本身為瑜伽導師的廖慧儀，日前入大球場欣賞七欖賽事，并以一身性感運動服曬纖腰美腿示人，卻自曝慘被不明液體淋濕。
廖慧儀睇七欖被淋到濕曬？
廖慧儀昨日（8日）在IG分享當日在大球場睇七欖的靚相，只見她拿著杯啤酒，又與場內觀眾不停打卡，玩得好High，但原來卻有不快經歷，廖慧儀發文指：“全程一路睇，上面就一路一杯一杯啤酒咁車落嚟下面，仲無啦啦車咗嚿Big Mac落嚟，個個好似中水彈咁成身濕曬（見到啲啤酒車到落嚟無起泡嘅都不想深究掉落嚟的是甚么了）”。廖慧儀至今仍不知遭甚么液體淋濕，網民留言問道：“即系有人整熱啤車落你到？”就其分享的照片所見，有外籍球迷用盛載啤酒的膠杯疊高，目測將近一百杯，長度橫跨幾位身形健碩的猛男。
廖慧儀踩凳被批評
幸好事件并沒影響廖慧儀的心情，更獲大贊身材Fit爆：“婀娜多姿嘅索爆慧儀你著得咁性感去睇七欖，肯定立即會令全場溫度急速攀升呀”、“啲腹肌勁正”、“南看臺有索女！”、“咁樣打扮都已經超靚！”、“睇你就夠曬啦！”不過就有人批評她站上椅子上拍照無公德心。
以上內容歸星島新聞集團所有，未經許可不得擅自轉載引用。
專題 更多 >
熱門文章
