55歲前港姐陳淑蘭（蘭子）向來都語出驚人，近期與好友周國豐和陳淽菁開設YouTube頻道“豐陳三俠”分享多年的所見所聞， 日前播出的第五集，陳淑蘭自爆年輕時曾到夜總會見識，甚至還試過去鴨店，不過因對方的一句說話，最后“delete咗佢”（刪除了它）！
陳淑蘭曾首度開腔談“為情自殺”
其實陳淑蘭在節目上亦曾首度開腔談“為情自殺”細節，陳淑蘭在1991年經歷喪父之痛后，曾患上焦慮癥，有狂燥、抑郁及輕微社交恐懼的癥狀，但陳淑蘭在節目中分享，其實到現時仍分不清自己到底是有情緒病還是撞邪，當時曾勵珍與李燕芳覺得她非常不妥，介紹一個師傅給她，“師傅話有個女人想攞我命。”
▲陳淑蘭其后澄清沒有與黎明拍過拖。
陳淑蘭早年曾到夜總會見識
周國豐、陳淑蘭和陳淽菁今次在節目上分享蒲的經驗，周國豐坦言很少去蒲：“雖然我正正經歷娛樂圈最蓬勃嘅時間，但系所謂去蒲，最多都系去嚇卡拉OK，我亦都冇去過夜總會，我而家都冇興趣。”在旁的陳淑蘭反而自爆年輕時曾到夜總會見識，甚至還試過去鴨店，不過因對方的一句說話，最后“delete咗佢”！陳淑蘭說：“我第一個男友系金融才俊，喺魚翅撈飯嘅年代，做金融嗰啲，啲錢唔知喺邊度瀡落嚟，每個人食完飯之后，都一定要去尖東大富豪。有一次就心諗，做金融使唔使晚晚都落nightclub？跟住我打電話問佢幾時返？再打就冇聽電話，我咪好嬲走出去揾佢。”
陳淑蘭在夜總會眼界大開
陳淑蘭續說：“我又唔似好有錢、好靚嘅人，所以入唔去，跟住一望見佢駕車，咪拆爛佢部車嘅倒后鏡，佢哋做好高級，我覺得佢去夜總會冇問題，只系唔聽我電話系死罪。我好嬲咁質問佢邊個女朋友可以容忍，點知佢開口話帶我落去，不過佢話我嘅裝束，連洗廁所啲阿嬸都好過我，真系冇人著牛仔褲，佢哋全部都系名牌，由頭到尾都系閃閃令，入到去之后，唔怪得佢咁鐘意去，連我都好鐘意，大把人靚過我，如果佢哋是旦一個嚟選港姐，我遇上勁敵了。”
陳淑蘭再自爆曾經去過鴨店
陳淑蘭再自爆曾經去過鴨店：“我喺北京有個朋友，佢好有好有錢，夜晚冇嘢做咪帶我去舞廳，成日話叫啲鴨畀我，我叫佢折現，直到有一晚，我哋成班女仔去北京，佢就話叫啲鴨畀我哋，佢又唔肯折現畀我，咁我哋咪去。嗰度好似啲卡拉ok，不過系20年前嘅事，佢哋10零歲，有啲鴨拎住支煙過咗嚟叫我飲酒，雖然我好色，但系佢哋坐埋嚟，我阿媽上身叫佢哋唔好食咁多煙，對身體唔好，問佢哋有冇讀書，有冇返學？不過佢哋啲身材唔高，普通一個心。”陳淑蘭再說：“喺香港見過啲日本model客串，嗰啲鴨鴨呢啲有少少知識，諗住嚟賺啲外快，點知佢一坐埋嚟，問‘Are you rich？’呢啲說話只系我問，呢啲真系溝通唔到，去完之后真系嘥時間，就算幾靚嘅男人，冇養份，好似我啲咁好色，短短時間真系刪除佢。”
以上內容歸星島新聞集團所有，未經許可不得擅自轉載引用。
