政府將于明日發表新一份《財政預算案》，市場憧憬樓市全面撤辣，樓價或有望止跌回升。祥益地產總裁汪敦敬在2021年曾說“3年后你會后悔冇入市”，3年過去，他接受《星島頭條》訪問時向網民作出回應，又表示即使全面撤辣，雖然對樓市有改善，但“樓市唔系老奉上升”要視乎供求比例。
市場需要租盤
對于預算案撤辣與否，汪敦敬不作過多猜測，但他認為撤辣對樓市會有改善，但要視乎各種因素，“唔好忘記好多香港人系揸住好幾層物業，呢一類人會唔會賣一兩個出去？咁嘅話就會造成放盤量多于成交量，即使全面撤辣，樓市都唔系老奉上升，冇保證?！要配合供求先可以計算到?！奔词棺罱K全面撤辣，汪敦敬不相信是一個“全民皆喜悅嘅減辣”，他指出今年還有好多考驗，例如23條立法年中才會通過，要留意社會動向。
汪敦敬認為現時市場需要更加多租盤，應該鼓勵更多人收租。因為社會已經大量開放人口進入香港，租盤需求將一直增加，但現行樓市辣招不利增加租盤，“因為買第二層樓就要收辣稅，雖然稅項有減少，但系都系一個大數目。所以我覺得政府而家要諗清楚，長遠收租系咪一個短炒行為，我自己覺得就唔系，咁樣系殺錯良民，一直都唔應該針對長遠收租嘅業主，系唔應該要有辣稅，買樓收租唔系要打擊嘅對象?！?/p>
樓市將見黎明
展望樓市，汪敦敬認為今年至少可以穩住陣腳，因為去年出現部份從未試過的因素，例如銀行高息定期，不少市民將大部份資金凍結于銀行體系，但隨著定期減息，開始有收息客買樓，資金流入市場。
成交量方面，他指農歷新年過后，2月第3個星期日，成交量已增加五成或以上，“系咪叫小陽春？我都唔敢嘩眾取寵，但的而且確市場正在進入一個比較好嘅情況，我覺得購買力逐漸喺銀行出緊嚟，唔系想象中咁差?！?/p>
隨著股市開始回升，他預計今年樓市會穩住陣腳而且重新起步向上，料會上升5至10%，“但我強調截至今日訪問為止，有八成嘅板塊系已經止跌，仲有部份板塊系正在沉底，例如細單位，400幾萬嘅三房、300幾萬嘅兩房，位于屯門、或其他冷門地區?！?nbsp;他續指，大部份板塊已回穩，現時租金回報率高達三厘，加上定期息口回落，多了資金流入市場，“而家仲系悲情，但等待黎明嘅時間唔會太長。如果禮拜三出招冇料到就等多期，但我預計最遲都系等多一兩個月就可以搵到谷底向上。”
另外，汪敦敬認為政府應該設立年輕人置業資助貸款，助年輕人上車，他指，“而家年輕人比我哋以前仲要多咗Grant Loan（學資處資助貸款計劃），如果政府冇一個更好嘅財務安排資助年輕人上車，好多人都會中途放棄唔再買樓?！?/p>
睇好豪宅市場不會減持
同時作為資深投資者的汪敦敬，認為政府暫時已出的招數， 已對其主要投資大有幫助，“你見到較高檔次嘅豪宅市場好早已經穩定咗，有部份甚至冇跌過。商鋪方面最近多咗自由行，亦令到我嘅核心鋪位直接受惠，但如果再投資的話，我系需要銀行態度更穩定，而家我哋想去投資都會考慮銀行會唔會好小心，雖然我哋唔系每個物業都借錢，但系即使我哋借唔借錢都好，都會關心銀行態度?！?/p>
汪敦敬同時持有多個九龍站豪宅，他表示睇好豪宅市場，不會沽貨減磅，“喺香港大灣區一體化之下，望維港景同高鐵站一帶豪宅更加增值，當然未反映于價錢上，但對比幾年前，而家有高鐵、西九文化區，加上內地環保做得好，天色更清朗，我每日起身都睇到日出，維港一帶豪宅會進一步成為大灣區核心?！?/p>
回應三年前豪言
疫情期間，汪敦敬以逾億元買入尖沙咀、銅鑼灣等鋪位，2021年曾接受傳媒訪問時豪言，“三年后你會后悔冇抓緊機會入市”，三年過去，此番言論成為網民最近熱話，汪敦敬就事件回應，“可以用返今日（26日）報道去回應，我三年前將漢口道鋪位租畀Bakehouse，而家嘅租金已經加咗38%，如果我三年前做咗份租約，三年后仍然可以加租38%，我覺得系有配合到我當初講嘅嗰一句說話，當然冇可能絕對性每個人都啱用，一個好嘅收租回報率系我預期，但我唔會預期而家賣鋪，因為呢個系至少10年嘅投資，喺我嘅計劃嚟講，三年前買鋪系啱，三年前仍然有好多機會系享受到，例如低息環境，當然任何投資都有升有跌，我會承擔投資風險同埋享受機會。”
漢口道長龍烘焙店Bakehouse，建筑面積約1000方呎，兩年來，月租由18萬勁加至25萬，幅度38%。鋪主汪敦敬表示：“我們和租客都互相投資落對方，開始時（2021年10月），我們給予18萬平租，一年后加至20萬，去年10月踏入第3年，月租加至25萬。”他又說：“此鋪位巷仔單邊，我特地將巷仔粉飾一番，鋪前行人路特別闊，本身栽種樹木，有情調，適合排隊！Bakehouse蛋撻一件售價約12元，以月租25萬計算，日賣逾670件蛋撻足夠交租。
以上內容歸星島新聞集團所有，未經許可不得擅自轉載引用。
