李玟昨晚（5日）驚傳離世，終年48歲，其胞姐向粉絲、傳媒發放訃聞透露李玟在7月2日于家中輕生，延至昨日不治。李玟二家姐李思林（Nancy）今日（6日）凌晨向《星島頭條》透露對于妹妹離世心情，她形容“個心好似粉碎咗”，不過李思林最心痛的是已經86歲的母親白頭人送黑頭人，指媽媽未到40歲已經失去老公，當時妹妹才剛出生，含辛如苦養大女兒卻發生陷事。
▲李玟胞姐李思林對妹妹的死訊難以接受。
李思林說：“個心好似粉碎咗，過去呢幾日冇瞓覺，唔相信呢件事，我每次行入病房，睇住妹妹啲心跳儀器、呼吸儀器指數，每一秒盯住嚟望。嘟一聲個人係震曬，因為醫生話佢隨時唔喺度，叫我哋作最壞打算。”
李思林最心痛已經86歲的母親，即使醫療團隊指李玟腦細胞死亡仍然不肯放棄：“最心痛係睇住我年邁嘅母親，佢八十幾歲，佢由9點鐘企到11點鐘都唔肯坐低。我媽咪係一位幾嘅中醫，佢係都要喺佢頭頂，因為話佢（李玟）腦死胞已經死咗，但佢死都唔肯放棄。睇到好心酸，白頭人送黑頭人，幾時會快樂吖？”
李思林同時多謝醫療團隊的努力：“初頭送入去都已經話冇得救，keep住都冇用，叫我哋放棄；但我話我媽咪40歲唔夠就冇咗老公，我細妹就嗰時出世，一直由媽咪帶大佢﹐好辛苦養埋我哋，我媽咪已經86歲，畀個機會我媽咪，畀個機會我妹妹，就算有一線生機，都請佢哋幫手，所以我都好多謝醫生同護士，佢哋盡心盡力，我好感恩。”
另外，知情人士向《星島頭條》透露，李玟與老公Bruce已經分居兩年多，目前正在辦理離離手續。之前李玟與老公是住在赤柱，而今次事發則在李玟母親與家姐的山頂寓所，事發時老公亦不在香港，Bruce回港時，已是事發第二日。
知情人士又透露離婚協議已經傾得七七八八，又指目前仍未離婚，對方仍可以自稱是李玟老公；他又表示現在李玟離世，又未簽離婚協議，Bruce可以省下不少贍養費，又形容李玟“傻女，捐咗佢都好嘛??”知情人士同時表示李玟有定立遺囑，所有財產都會留給李玟最愛的媽媽。
以上內容歸星島新聞集團所有，未經許可不得擅自轉載引用。
